嗰时白云山嘅风景认真迷人，郑安琪就决定隐姓埋名定居喺白云山，继续行医救人。人怕出名猪怕壮，郑安琪因为医术好，唔知点样竟然暴露咗身份。佢打算又试走佬，咁啱有个急症病人要佢救命，医者父母心，郑安琪决定救埋人先走。佢用喺白云山山涧发现嘅特效药——九节菖蒲医好病人，打算临走前再采啲留畀病人睇门口。点知就喺佢啱啱摘完菖蒲嗰阵，秦始皇啲官兵竟然追到嚟，郑安琪谂住今次走唔甩嘞，将心一横，跳落山崖。
呢个时候，悬崖突然间有嚿彩云升起，变成一只仙鹤托住佢，一直升到上天。
据说嗰日係农历七月廿五，大家为纪念郑安琪，就将呢日定为郑仙诞。而郑安琪采九节菖蒲嘅地方，喺宋代就开始被列为羊城八景之一——蒲间廉泉。
来源: 南方都市报 作者: 江晖
